1.
Dimsaag bulan:
Kinibin anniniwan
Kabambantayan.
2.
Timmapog bituen
Iti puseg karayan
Immisem dukiang.
3.
Tuktok niog: billit-tsina
Umariwawa
Samiweng ti agsapa.
4.
Naginat init
Ti amor nagkulagtit
Dawa simmirip.
5.
Ti upa umarikiak
A nakaduktal
Agsisiim a banias!
--DM Fillomena Yabes
(naipablaak iti Bannawag)
*NABULOD LAENG DAGITI LADAWAN ITI INTERNET
No comments:
Post a Comment